جۆری توێژینهوه : توێژینهوهی بنهڕهتی
نوسهران
1 زانکوی دهوک کولیژى زمانان
2 بەشى زمانى کوردى، کۆلیژى زمانان، زانکۆى دهۆک، هەرێمى کوردستان- عێراق
3 زمانێ کوردی، کۆلیژا زمانان، زانکۆیا دهۆک، عێراق
پوخته
بابەتێ ئەڤێ لێکۆلینێ تایبەتە ب پێشگریمانان، کو ئەوژى ئێکە ژ ڕەهەندێن پراگماتیکا زمانییە، پێشگریمانە پلا دووێیە ژ پراگماتیکێ د پرۆگرامێ هانسونیدا هاتى، پیشگریمانە بابەتەکێ پراگماتیکا زمانییە پیدڤی ب لێکۆلینێن هویرترە د زمانێ کوردیدا، ئەڤ لێکۆلینە ل دویڤ ڕێبازا وەسفى ل گەل بکارهینانا ئامارێ هاتیەئەنجامدان، جورێن پێشگریمانان ل دویڤ مودێل و دابەشکرنا جورج یول (Gorge Yale,1996) د بەرهەمەکێ شیعریدا هاتیەدیارکرن، ئەو بەرهەمێ بۆ لایەنێ پراکتیکى هاتیەوەرگرتن دیوانا (نە شەڤ تێرا خەونێن من دکەت نە رۆژ تێرا خەمێن من) یا (موئەیەد تەیب)یە. ئارمانجا ئەڤێ ڤەکولینێ ئەوە وێ چەندێ دیاربکەین کا چاوا شێوازێ دارشتنا شیعرێ مفاى ژ پێشگریمانێ دبینیت هەروەسا وێ چەندێ دیاربکەین کو بەرهەمێ ئەدەبى ل بەر ڤەکولینێن پراگماتیکى دکەڤیت، ب تایبەت پێشگریمانە د شیعرێدا، ئەڤ ڤەکولینە ل سەر هندەک پرسیاران هاتیەئاڤاکرن، ئەوژى: ئەرێ پێشگریمانە د شیعرێن (موئەیەد تەیب) هاتینەبکارهینان و ڕێژا بکارهینانا هەر جورەکى چاوایە؟ل دوماهیی ڤەکولین گەهشتینە هندەک ئەنجامان، ژ وان: شاعیرێ کورد(موئەیەد تەیب) ئەڤ بەرهەمە بۆ کوردان ئاراستەکرینە، ئەڤ چەندە دبیتە ئەگەرەک کو باگراوەندەکێ هەڤبەش د ناڤبەرا هەردووکان یێ هەى، ئەڤ باگراوەندێ هەڤبەش دبیتە پێشگریمانە ل دەڤ شاعیرى و ڕێژا هەرە مەزنا پێشگریمانێن د وی بەشێ دیوانێ هاتین، پێشگریمانێن هەبوونێ نە،
وشه بنچینهییهكان
)