جۆری توێژینه‌وه : توێژینه‌وه‌ی بنه‌ڕه‌تی
نوسه‌ر
پشكا زمانێ كوردی،كۆلێژا زمامان، زانكۆیا دهۆك،هەرێما كردستان. -عێراق
پوخته
چينێن جڤاكى ژ چه‌نديين كومێن مرۆڤان پێكدهێن و هه‌ر كومه‌كژى ژ چه‌ندين تاكه كه‌سان پێكدهێت، هه‌ر كومه‌ك د ناڤ جڤاكيدا خودان هنده‌ك سيما و سيفه‌تێن تايبه‌تن كو دبنه ئه‌گه‌رێن جوداهيێ د ناڤبه‌را ئه‌وان كوماندا، وه‌ك هێزه و ده‌ستهه‌لات و سه‌روه‌ت و سامان و ڕه‌وشه‌نبيريه كو ئه‌ڤه دبنه فاكته‌رێن هه‌ره سه‌ره‌كى و كارتێكرنێ ل سه‌ر زمانێ چينێن جڤاكى هه‌ر جڤاكه‌كى دكه‌ن، ئه‌ڤ ڤه‌كۆلينه ب ناڤونيشانێن (زمانێ چينێن جڤاكى د ڕۆمانا ئه‌نتيجاشدا زمانێ بزاڤه‌كه بۆ شرۆڤه‌كرنا زمانێ چينێن كه‌سايه‌تين ڕۆمانێ ل دويڤ ئه‌وان چينێن د ناڤ جڤاكێ كورده‌واريدا هه‌ين، ئه‌ڤجا مه مفا ژ بۆچوونێن (لابوفى) بۆ ئه‌نجامدانا ئه‌ڤى كارى وه‌رگرتينه، پرسيارا گريمانه‌يى ئه‌رى زمانێ ئاخڤتنێ ڕێكه‌كه چينێن جڤاكى پێ بهێنه دياركرن و ئه‌رێ زمانێ كه‌سايه‌تێن ڕۆمانێ ل دويڤ ئه‌وان چينان دجيگيرن، يان گوهۆڕين د سه‌ردا دهێن؟ ڤه‌كۆلين دوو ته‌وه‌ران بخۆڤه‌دگريتن يێ ئێكێ چوارچووڤێ زمانڤانيا جڤاكيه و د ناڤدا زمان و چينێن جڤاكى به‌حسدكه‌ت و يێ دوويدا زمانێ چينێن جڤاكى د ڕۆمانا ئه‌نتيجاشدا هاتينه پراكتيزه‌كرن، د ئه‌نجامدا زمان د ڕۆمانێدا ڕێكه‌كه بۆ زانين و نياسينا كه‌سايه‌تيان كو ب سه‌ر چ چينا جڤاكيڤه‌يه و هه‌ر ديسان زمانێ كه‌سايه‌تيێن ڕۆمانێ ب ئاوايه‌كێ جێگێر نه‌بوويه و گه‌له‌ك جاران ئێك كه‌سايه‌تى زمانێ ئه‌وى جار ب سه‌ر چينا ده‌ستهه‌لات بوويه و جارژى سه‌ر ب چينا ناڤنجى، يان نزم بوويه و هه‌روه‌سان زمانێ نزم ڕێژه بكارهينانا ئه‌وێ ژ هه‌ميان پتر هاتيه بكارهينان.
وشه بنچینه‌ییه‌كان
)