جۆری توێژینه‌وه : توێژینه‌وه‌ی بنه‌ڕه‌تی
نوسه‌ران
1 به‌شی زانستی كۆمه‌ڵایه‌تییه‌كان/ كۆلێژی په‌روه‌رده‌ی بنه‌ره‌ت/ زانكۆی گه‌رمیان/ هه‌رێمی كوردستانی عێراق
2 بەشی زانستە كۆمەڵایەتییەكان، كۆلێجی پەروەردەی بنەڕەت، زانكۆی گەرمیان، هەرێمی كوردستانی عێراق
3 زانسته كۆمه‌ڵایه‌تیییه‌كان، كۆلێژی په‌روه‌رده‌ی بنه‌ڕه‌ت، زانكۆی گه‌رمیان، هه‌رێمی كوردستان - عێراق
4 به‌شی زانسته كۆمه‌ڵایه‌تییه‌كان _ كۆلێجی په‌روه‌رده‌ی بنه‌ڕه‌ت _ زانكۆی گه‌رمیان __ كه‌لار _ هه‌رێمی كوردستان _ عێراق
پوخته
ئەم توێژینەوەیە هەڵسەنگاندنی كاریگەریی فاكتەرە سروشتییەكان لەسەر دابەشبوونی شوێنجێی 167 شوێنەواری مێژوویی لە ئیدارەی گەرمیان دەكات. بە ڕێگای وەسفی-شیكاری و بە تەكنیكی سیستمی زانیارییە جوگرافییەكان. سنووری توێژینەوەكە قەزاكانی كەلار، كفری و ناحیەكانی مەیدان و قۆرەتووی لە قەزای خانەقین گرتووەتەوە، بە ڕووبەری گشتی 6005.5 كم². توێژینەوەكە هەوڵی داوە وەڵامی ئەو پرسیارە بدۆزێتەوە كە كام فاكتەری سروشتی ڕۆڵی سەرەكی لە دیاریكردنی شوێنی شوێنەوارەكاندا هەیە و شێوازی دابەشبوونیان چۆنە.
ئەنجامەكان دەریخست كە 81.5% شوێنەوارەكان لە نزیكی سەرچاوە ئاوییەكان هەڵكەوتوون كە كاریگەرترین فاكتەرە، بەڵام 74.8% یان لە هەرێمی چڕی كەم و چڕی زۆر كەمی سەرچاوە ئاوییەكاندان دوور لە مەترسی لافاو. هەروەها 80.3% شوێنەوارەكان لە بەرزی كەم و مامناوەندی نێوان 127-468م هەڵكەوتوون و 75.4% یان لە هەرێمی دەشتاییەكانن. زۆربەی شوێنەوارەكان بە ئاراستەی لێژی باكوور و خۆرهەڵات هەڵكەوتوون وەكو گونجاندن لەگەڵ دۆخی هاوینەی گەرمیان و زۆربەیان 86.8% لە ناوچەی تەخت و كەم لێژەكانن. 84.5% لە خاكی بەپیتی گونجاو بۆ كشتوكاڵ هەڵكەوتوون و 53.9% یان لە ناوچەی زەوییە كشتوكاڵییەكاندان. بەگوێرەی پلەی گەرمی 73.1% شوێنەوارەكان شوێنجێیان لە ناوچەی پلەی گەرمی مامناوەندە 21.9-23.6س، ئەم دۆزینەوانە گرنگیی تێگەیشتن لە پەیوەندیی نێوان مرۆڤ و ژینگەی سروشتی لە مێژووی شارستانیەتی ناوچەكەدا دەردەخەن.
وشه بنچینه‌ییه‌كان
)