جۆری توێژینه‌وه : توێژینه‌وه‌ی بنه‌ڕه‌تی
نوسه‌ر
به‌شی زمانی كوردی _ كۆلێجی په‌روه‌رده‌ی بنه‌ڕه‌ت _ زانكۆی گه‌رمیان _ كه‌لار _ هه‌رێمی كوردستان _ عێراق
پوخته
بواری گەشتیاریی بووەتە لایەنێكی گرنگی ژیاری مرۆڤایەتیی و هەژموونی خۆی بەسەر بەشێكی زۆر لە ئاستەئابووریی، كۆمەڵایەتیی و ڕۆشنبیرییەكانی كۆمەڵگەكان سەپاندووە. بەتایبەت لە سەردەمی دەركەوتنی تۆڕەكۆمەڵایەتییەكان. ئەم توێژینەوەیە دەگەڕێت بە دوای ئەو ڕۆڵەی تۆڕی كۆمەڵایەتیی فەیسبووك دەتوانێت لە بازاڕسازیی گەشتیاریی لە هەرێمی كوردستان بیگێڕێت، بۆئەوەش ڕووانگە و بۆچوونی پسپۆرانی ڕاگەیاندنی لە زانكۆ و پەیمانگە حكومی و تایبەتەكان و ناوەندە پەروەردەییەكان و دامەزراوە جۆربەجۆرەكانی هەرێمی كوردستان وەرگرتووە.
توێژینەوەكە لە جۆری وەسفییە و ڕێبازی ڕووپێوكاریی تیابەكاردەهێنرێت بۆ وەرگرتنی بۆچوونی (84) پسپۆری ڕاگەیاندنی لە ڕووی ڕەگەز، بڕوانامە و پلەی زانستیی و پسپۆری ورد بە نموونە وەرگرتووە. سنوری شوێنی توێژینەوەكە ئیدارەی گەرمیان دەگرێتەوە، لە ڕووی كاتییش؛ مانگی ئازاری (2025).
توێژینەوەكە بە چەندین ئەنجامی زانستی گەیشتووە:
1. بەكارهێنانی تۆڕی كۆمەڵایەتیی فەیسبووك لە بواری بازاڕسازیی گەشتیاریی گرنگییەكەی لە چەندین لایەنەوە دەردەكەوێت: (دەبێتەهۆی هاندان بۆ گەشت و سەیران)، (ئاشناكردنی گەشتیار بە تایبەتمەندی ناوچە گەشتیارییەكان) و دواتریش (باشكردنی وێنای ناوچەگەشتیارییەكان لای گەشتیاران).
2. بازاڕسازیی گەشتیاریی سەركەوتووانە لە ڕێگەی تۆڕی كۆمەڵایەتیی فەیسبووك پێویستی بە فەراهەمكردنی چەند پێداویستییەك هەیە: (بەكارهێنانی ئامرازە بینراو و بیستراوەكان لە ماڵپەڕەكەدا - ڕادیۆ و تەلەڤزیۆنی ئەلیكترۆنیی)، (فەراهەمكردنی ماڵپەڕێكی ئەلیكترۆنیی تایبەت بە كۆمپانیا گەشتیارییەكان) و (بەكارهێنانی باشترین شێواز و ڕێگە بۆ گەیشتن بە ماڵپەڕەكە لە تۆڕی ئینتەرنێت).
ئەنجامدانی بازاڕسازیی گەشتیاریی لە ڕێگەی تۆڕی كۆمەڵایەتیی فەیسبووك لە هەرێمی كوردستان ڕووبەڕووی چەندین لەمپەر بووەتەوە: (لاوازی مەعریفەی ئەلیكترۆنیی و تەكنەلۆجی لای گەشتیار)، (لاوازیی متمانەی گەشتیار بە مامەڵەی ئەلیكترۆنیی)، (لاوازی ژێرخانی تەكنەلۆجی لای كۆمپانیا گەشتیارییەكان) و (لاوازیی متمانە لەبارەی لاپەڕەی كۆمپانیاكان لە تۆڕی كۆمەڵایەتیی فەیسبووك).
وشه بنچینه‌ییه‌كان
)